“Simboli i rezistencës shqiptare është kthyer në simbol të turpit shtetëror”- Ish-komandanti i UÇK-së kritikon qeverisjen e Kurtit

Ish-komandanti i UÇK-së për Zonën Operative të Llapit, Rrustem Mustafa, ka reaguar ashpër lidhur me gjendjen e degraduar të objektit që gjatë luftës shërbente si zyrë e Përfaqësuesit të Përgjithshëm Politik të UÇK-së, Adem Demaçi.

Përmes një postimi në Facebook, Mustafa ka shprehur keqardhjen e thellë për mënyrën se si është trajtuar shtëpia e dhuruar nga atdhetari Hajdin Paçarada-Dumoshi, e cila dikur ishte epiqendra e rezistencës politike shqiptare.

Mustafa e ka drejtuar gishtin e akuzës drejtpërdrejt te Qeveria e udhëhequr nga Albin Kurti.

Postimi i plotë:
Më duhet te reagoj, me keqardhje…

Në çfarë gjendje e kanë lënë shtëpinë që Hajdin Paçarada-Dumoshi e dhuroi për UÇK-në, për zyrën ku Adem Demaçi ishte Shef i Politikës.

Kjo shtëpi ishte simbol i rezistencës shqiptare.
Sot është simbol i turpit shtetëror.
E nëpërkëmbur nga vetë ata që sot mbajnë pushtet.

Le ta themi qartë:
Qeveria e Albin Kurtit njeri që dikur punonte brenda kësaj zyre të UÇK-së, e ka lënë këtë vend të shenjtë në gjendje të mjerë.

Kjo nuk është neglizhencë.
Kjo është fyerje për Demaçin.
Fyerje për Paçaradën.
Fyerje për UÇK-në.
Fyerje për historinë tonë.

Ka ardhur fundi i qeverisjeve të papërgjegjshme.
Zëri i qytetarëve po ngrihet dhe nuk lejon më që simbolët e lirisë të trajtohen si objekte të harruara.

Këto pamje nuk janë një gabim.
Këto pamje janë realiteti i një pushteti që nuk e mbron as të shkuarën, as dinjitetin.

Ne nuk heshtim.
Ne nuk harrojmë.
Dinjteti i UÇK-së nuk lihet në rrëmujë.