Shfuqizohet vendimi që ndalonte punën në temperaturat e lara

Ministria e Shëndetësisë javën e kaluar mori një vendim që punëtorëve të ndërtimit të ju ndërprehet puna nga ora 11:00 deri në 17:00 për shkak të temperaturave të larta.

Sot kjo ministri ka njoftuar se ky vendim është shfuqizuar, shkruan Jepi zë.

Përmes një postimi është bërë e ditur se nga sot me 20 korrik puna mund të vazhdojë sepse sipas parashikimeve temperaturat do bien.

Njoftimi i plotë:

Prishtinë, 20 korrik 2024

Pas konsultimeve me Institutin Kombëtar të Shëndetësisë Publike dhe Institutin Hidrometeorologjik, Ministria e Shëndetësisë njofton se vendimi për kufizimin e orarit të punës për disa kategori shoqërore për shkak të temperaturave të larta përfundon sot, më 20 korrik 2024.

Sipas parashikimeve, java e ardhshme do të karakterizohet nga temperatura që nuk paraqesin rrezik për kategoritë e cenueshme të shoqërisë.

Ministria e Shëndetësisë do të vazhdojë të monitorojë situatën klimatike dhe të bashkëpunojë me institucionet përkatëse për të siguruar mbrojtjen e shëndetit të qytetarëve.