Sherr në një familje: 45-vjeçari e denoncon vëllain për dhunë dhe kërcënime

Numri i rasteve të dhunës në familje ka marrë përmasa shqetësuese në vendin tonë. Çdo ditë raportohen raste të ndryshme, ku përfshihen burra e gra, prindërit e fëmijët. Kështu ndodhi së fundmi në një familje në fshatin Papiq të Deçanit.

Policia intervenoi në një familje pas denoncimit për dhunë psikike dhe kërcënime nga një 54-vjeçar.

Sinjali mëson se bazuar në informacionet e para, i dyshuari u raportua nga vëllait i vet për dhunën psikike që ka ushtruar ndaj tij dhe për kanosjet e vazhdueshme.

Viktima ka deklaruar se në rastet e mëhershme, vëllai e ka kërcënuar me sëpatë dhe me armë – prandaj ka vendosur të kërkojë ndihmë në Polici.

Si rezultat i raportimit të rastit, Policia e ka arrestuar të dyshuarin dhe i njëjti është shoqëruar në stacion policor për intervistim.

Ndaj tij, Prokurori i Shtetit ka urdhëruar inicimin e rastit për veprën penale ‘Dhunë në familje’.