Shembull i mirë: Imami i xhamisë në Bare, Fuad Ferati, pas namazit të Bajramit shërbeu xhematin me hurme e llokuma dhe pije

Sot po festohet festa e Fitër Bajramit edhe në vendin tonë, pas një muaji agjërimi.

Falja e namazit të Bajramit u bë edhe në fshatin Bare të Komunës së Mitrovicës, shkruan Jepi zë.

Por për dallim nga xhamitë tjera, imami i kësaj xhamie, Fuad Ferati, ka dhënë një shembull të mirë me xhematin shaljan.

Pas përfundimit të namazit të Bajramit, ai shërbeu llokume e hurme së bashku me pije për të gjithë qytetarët që u falën në xhamin e fshatit Bare.

Ndryshe hoxha Ferati është njëri nga hoxhallarët më të dashur në Komunën e Mitrovicës, me theks të veçantë në rajonin e Shalës së Bajgorës.