Raportohen të zhdukura tri gra në Kosovë, një nga to s’është parë që nga korriku
Tri gra janë raportuar të zhdukura brenda 24 orëve të fundit në Kosovë.
Rastet kanë ndodhur në Klinë, Prizren dhe Podujevë.
Një nga to është raportuar e zhdukur që nga 17 korriku. Rastin në polici e ka raportuar nëna e saj e cila siç ka bërë të ditur vajza e saj ka dalë nga shtëpia me këtë datë dhe nuk është parë më.
Po ashtu në një rast tjetër në Podujevë, një vajzë raportohet e zhdukur që nga 3 tetori.
Raporti i plotë i policisë:
Fsh. Klinavc, Klinë 09.10.2023 – 11:00. Ankuesja femër kosovare me datën 11.10.2023 ka raportua se vajza e saj ka dalë nga shtëpia dhe nuk është kthyer më. Rasti është duke u hetuar.
Rr. Tahir Sinani, Prizren 17.07.2023 – 05:30. Ankuesja femër kosovar me datën 11.10.2023 ka raportua se vajza e saj, viktima femër kosovare me datën 17.07.2023 ka dalë nga shtëpia, nuk është kthyer më dhe nuk dihet vendndodhja e saj. Rasti është duke u hetuar.
Fsh. Lupç, Podujevë 03.10.2023 – 11:00. Ankuesja femër kosovar me datën 11.10.2023 ka raportua se vajza e saj, viktima femër kosovar ka dalë nga shtëpia dhe nuk është kthyer më. Rasti është duke u hetuar.
