Qumështorja Drena dhe Rox energy drink sërish në përkrahje të sportit
Qumështorja Drena dhe pija energjike Rox edhe kësaj radhe dëshmuan gatishmërinë e tyre për përkrahjen ndaj sportit dhe rinisë së vendit tonë.
Krahas mbështetjes ndaj klubit të Judos “IPPON” Peja, grupi Alpinist ‘Happy Hikers Kosova’, klubit të basketbollit Peja, Enduro Off Road Drenica, si dhe shumë aktiviteteve kulturore dhe sportive, në vazhdim të këtyre, kemi vendosur që tani e tutje në rrugëtimi e tij drejt majave të suksesit ta mbështesim edhe sportistin Erzen Zyberaj, i cili merr pjesë në garat e vrapimit.
Si një vrapues i dalluar dhe me plot suksese, ai doli të jetë i pari në shtegun 40 km Vodno – Matka Trail Marathon duke thyer rekord në këtë lloj gare. Duke e parë entuziazmin dhe përkushtimin e Erzenit për të dal çdo herë i pari, na bën neve si kompani që të vazhdojmë edhe më tutje përkrahjen ndaj tij dhe ndaj rinisë së gjithë vendit.
Bashkëpunimet dhe përkrahja e Erzenit dhe sportistëve të tjerë janë të mbështetura në bindjen se vetëm kështu klubet dhe sportistët tonë do të kenë mundësinë të bëhen gjithnjë e më të pranishme në arenën ndërkombëtare.
Ne do të vazhdojmë të jemi sa më afër konsumatorit me produktet tona të freskëta dhe kualitative, dhe njëherit në mbështetje të rinisë së vendit tonë.
