Plagosja e djeshme në Ferizaj, zbulohen emrat e të përfshirëve në rast

Dy persona kanë mbetur të plagosur mbrëmë në Ferizaj. Indeksonline ka mësuar identitetin e të implikuarve të rastit. 

Ishte Arianit Duriqi nga Prishtina personi që shtiu në drejtim të Gentrit Islamit, Shkëlqim Graincës dhe Elvin Hysenit.

Dy të parët morën lëndime dhe u dërguan në Qendrën Klinike Universitate të Kosovës.

Burime tona tregojnë se rasti ndodhi për çerim hesapesh.

Me urdhër të prokurorit, i plagosuri Gentrit Islami është arrestuar (për armbajtje pa leje).

Derisa, dorasi Arianit Duriqi ende është në kërkim nga Policia e Kosovës.

Çfarë u tha në raportin 24 orësh të Policisë:

Dy meshkuj kosovarë kanë pësuar lëndime si pasojë e gjuajtjes me armë zjarri nga person/a të panjohur. Të lënduarit janë dërguar për trajtim mjekësor në QKUK. Pas tretmanit mjekësor njëri i lënduar është liruar, ndërsa i lënduari tjetër ka dorëzuar armën me gas dhe tre fishekë dhe i njëjti është dërguar në qendrën e mbajtjes.