Parashikimi i motit për sot dhe ditëve në vijim

Sot pritet të mbajë mot me diell dhe vranësira të shpeshta lokale. Pasdite parashihen zhvillime të rrebesheve të izoluara të shiut me vetëtima, bubullimë dhe mundësi për breshër.

Nuk priten zhvillime në të gjitha vendet. Temperatura maksimale parashihet deri në 32 gradë Celsius, pra tempetaturat po ulen gradualisht.

Në Shqipëri, Maqedoninë Veriore, Luginë të Preshevës dhe Mal të Zi pritet të mbajë mot me diell dhe vranësira të shpeshta lokale. Parashihen zhvillime të rrebesheve të izoluara të shiut me vetëtima, bubullimë dhe breshër. Të gjitha zhvillimet do të jenë vetëm në disa lokacione të caktuara, pra nuk priten reshje gjithëpërfshirëse.

Të Enjten dhe të Premten na pret mot më jo-stabil dhe më i freskët. Përpos intervaleve kohore me diell, parashihen zhvillime të fuqishme konvektive, me rrebeshe lokale shiu me vetëtima, bubullimë dhe breshër. Vende-vende mund të ketë rrebeshe mjaft intensive dhe ndonjë shtrëngatë të fuqishme kalimtare.

Për fundjavë përmirësim i motit, sidomos e diela pritet të jetë me diell dhe e nxehtë./MeteoBallkan