Njëri vdiq, tjetri punëtor po vazhdon të trajtohet në Spital

Dyshohet se nga shembja e dheut në lagjen Veternik të Prishtinës, janë nxënë dy punëtorë derisa ishin duke punuar në vendpunishte.

Njëri nga këta punëtorë ka vdekur dhe tjetri është i lënduar, derisa është duke e vazhduar tretmanin mjekësor në Qendrën Klinike Universitare të Kosovës.

Policia me të marrë informatën ka dalë menjëherë në vendin e ngjarjes dhe në bashkëpunim me prokurorinë janë duke u marrë me hetimet e rastit në fjalë.

Një ekip i televizionit të Klan Kosovës është në vendin e ngjarjes dhe nga disa persona aty ka kuptuar se viktima, i moshës rreth 40-vjeçare, bashkë me personin e lënduar, ishin duke punuar aty, dhe janë punëtorë të një kompanie.

Ekipet mjekësorë të emergjencës vdekjen e viktimës e kishin konstatuar në vendin e ngjarjes, kurse e arritën të shpëtojnë personin tjetër.