Një person vdes në spital pak ditë pasi u sulmua fizikisht në Shtërpcë, arrestohet i dyshuari

Një person ka ndërruar jetë në spital, pasi i njëjti ishte dërguar atje për trajtim mjekësor pas lëndimeve të rënda që mori të premten e 8 dhjetorit, si pasojë e një sulmi fizik me të cilin u përball, raporton Gazeta Sinjali.

Rastin e ka konfirmuar Policia e Kosovës, të cilët njoftojnë se lidhur me rastin është arrestuar një person i dyshuar.

“Është arrestuar i dyshuari mashkull kosovar pasi që më datë 08.12.2023 kishte sulmuar fizikisht viktimën mashkull kosovar. Viktima ka qenë në tretman mjekësor dhe më datë 12.12.2023 është konfirmuar se si pasojë e lëndimeve viktima ka ndërruar jetë. Me vendim të prokurorit, i dyshuari është dërguar në mbajtje”, thuhet në njoftimin e Policisë.