Ministri Sveçla merr vendim për gazetaren – spiune ruse që tentoi të hyjë në Kosovë

Ministri i Punëve të Brendshme, Xhelal Sveçla, e ka shpallur person të padëshiruar gazetaren – spiunen ruse, Daria Asmalova.

Lajmin e ka bërë të ditur vet Sveçla në një postim në Facebook, ku u shpreh se hyrja e Asmalovas është e ndaluar për pesë vite në territorin e Republikës së Kosovës.

“Si Ministër i Punëve të Brendshme, brenda kompetencave të mia ligjore, bazuar në Ligjin për të Huaj, Nenet 17 dhe 66 A, kam shpallur person të padëshirueshëm në Republikën e Kosovës Daria Asmalovan.

Hyrja e këtij personi është e ndaluar për pesë vite në territorin e Republikës së Kosovës. Kushdo që me qëllime apo direktiva të caktuara cënon apo tenton të destabilizojë vendin tonë, do të përballet pa diskutim me forcën e ligjeve të Republikës së Kosovës.”