“Lopa jote ka hy në arën time”, arsyeja banale për të cilën u rrahën mes vete kushërinjtë në Skenderaj

“Lopa jote ka hy në arën tem”, kjo po del të jetë arsyeja e një rrahje që ka ndodhur mes kushërinjve nga Skenderaj. Për t’i ndarë u desh të ndërhyjë edhe Policia e Kosovës.

Rasti ka ndodhur siç raporton Sinjali në familjen Sahiti, ku të përfshirë kanë qenë tre persona.

Sipas informacioneve të para dy të dyshuarit D. Sahiti dhe Sh. Sahiti janë kapur me palën tjetër po ashtu të familjes Sahiti pas një mosmarrëveshje për kullotjen e lopëve në tokën e viktimës. Debati mes tyre ka eskaluar ashtu që viktima është goditur me grushte, me ç’rast ka pësuar lëndime trupore.

Burimet e Sinjalit bëjnë me dije se Policia është vënë në dijeni për rastin dhe ka intervenuar në vendin e ngjarjes, ku të dyshuarit janë shoqëruar në stacion policor, ndërsa viktima është dërguar në Qendrën e Mjekësisë Familjare për trajtim mjekësor.

Me urdhër të Prokurorit të Shtetit ndaj të dyshuarve është iniciuar rast për veprën penale “lëndim i lehtë trupor”.