Llava e qenve endacakë në një lagje në Gjilan, ankohet një banor: Jemi në hall të madh

Qentë endacakë po vazhdojnë të jenë një prej problemeve kryesore jo vetëm në kryeqytet, por edhe në qytete të tjera. Numër i madh i qenve bredhin rrugëve kryesore, duke rrezikuar jetën e qytetarëve, të cilët jo rrallëherë edhe janë sulmuar dhe e kanë pësuar keq, raporton Gazeta Sinjali.

Së fundmi, në adresë të redaksisë, një sinjalizues nga Gjilani ka dërguar pamje ku shihet një numër i madh i qenve endacakë teksa sillen në rrugën “Qenar Qeshme”.

Sinjalizuesi tha për Sinjalin se pamjet e mëposhtme janë realizuar sot në mëngjes, teksa shtoi se janë në hall të madh pasi nuk po ndihen të sigurt nga numri i madh i qenve.