Kryetari Nura vizitën e parë për Bajram e bën te lokja Mera që jeton e vetme, i dërgon ëmbëlsirë

Në ditën e festës së Fitër Bajramit, Kryetari i komunës së Skenderajt, Fadil Nura, ka zgjedhur të bëjë një vizitë të veçantë.

Ai ka shkuar për vizitë tek lokja Mera, e cila jeton e vetme në Vajnik.

Postimi i Fadil Nura:

Bëra nijet vizitën e parë në këtë ditë të bekuar te lokja Mera në Vajnik – e vetme por jo e vetmuar, që t’i uroj me gjithë respektin Fitër Bajramin, mes sprovave të shumta në jetë, me mungesë të përhershme të fëmijës dhe vdekjen e bashkëshortit, ndaj të cilit ka përmbushur premtimin se nuk do ta lërë shtëpinë ku kishin kaluar një pjesë të jetës.
Nga ky konak gjithmonë derëhapur, të gjithë ju besimtarë, motra e vëllezër,
Për hajr Bajramin!