Komenti epik i Valon Sylës pas arrestimit të Rron Gjinovcit

Gazetari Valon Syla për një kohë e ka pasur rival debati aktivistin Rron Gjinovci. Nuk kanë munguar as ngacmimet mes dyshes popullore të analistëve.

Policia sot e ka shoqëruar Gjinovcin në stacion, pas një aktiviteti në kuadër të Organizatës për Rritjen e Cilësisë në Arsim, e Syla e ka komentuar këtë.

“Çka u bo more kështu, sa pshtoj Ramabaja, hini Rroni në burg”, ka shkruar Syla.

Gjinovci dhe aktivisti Dibran Hoxha u shoqëruan sot në stacionin policor, ku u intervistuan për pengim të punës së profesorit Bujar Dugolli.

“Pas aksionit të sotëm, në vend që të largohet nga objekti plagjiatori Bujar Dugolli, u larguan aktivistët që po e pengojnë plagjiaturën. Kjo e tregon fytyrën e vërtetë të sistemit arsimor, sistemit të hetimeve dhe drejtësisë në Kosovë”, është thënë sot në reagimin e ORCA-s.

Dy aktivistët janë liruar pasi u intervistuan stacionin policor në Prishtinë.