Ish-ministri i mbrojtjes në Serbi: Shpresoj që Radoiçiq të mbetet gjallë, veç ai e di kush e urdhëroi për sulmin terrorist në veri

Ish-kreu i Ministrisë së Mbrojtjes dhe anëtar i partisë “Srbija Centar”, Petar Boshkoviq tha se fajin për sulmin terrorist në veri të Kosovës e ka lidershipi shtetëror serb dhe këtë e vërteton fakti se ata heshtin.

“Nuk keni deklaratë nga MPB-ja, BIA, kryeministri nuk e di se për çfarë bëhet fjalë. Heshtja e tyre thotë se ata janë fajtorë për gjithë këtë dhe duhet të mbajnë pasojat. Ata janë fajtorë edhe nëse nuk e kanë ditur, janë fajtorë edhe nëse e kanë ditur, sepse si mund ta lejojnë këtë”, tregon Boshkoviq në Novi dan në TV N1.

“Në njërën anë keni amatorizëm të plotë, edhe pse pala kosovare pretendon se janë të trajnuar. Nëse do të trajnoheshin, do të kishin shumë më tepër konflikt. Në anën tjetër, ju keni pasur një transmetim të gjithçkaje, që do të thotë se policia e Kosovës dinte gjithçka”, tha ai.

Ai thotë gjithashtu se Evropa nuk dëshiron që skenari ukrainas të jetë edhe këtu, sepse do të zbehte Ukrainën, e cila do t’i përgjigjej Rusisë, e cila, siç vlerëson ai, ushqen dyshimin se në sulmin në Banjskë janë përfshirë edhe shërbimet ruse.

“Kur ke të bësh me krimin, kur ke Arkanin e shekullit të 21-të (Milan Radoiçiq dhe Zvonko Veselinoviq), si mendon se do ta kalosh, si mendon se do të mbështetesh tek ata dhe do ta kalosh”, – pyet Boshkoviq.

E në pyetjen se a pret të arrestohet dhe të përgjigjet nga ish-nënkryetari i Listës Serbe, Milan Radoiçiq, i cili pranoi se kishte organizuar një grup të armatosur serb që kreu sulmin në Banjskë, Boshkoviq thotë se pret “vetëm që Radoiçiq të mbetet gjallë”.

“Për shkak se ne kemi nevojë për një njeri të tillë si dëshmitar, ai është i vetmi që duhet të na tregojë si, pse u bë, kush e urdhëroi, kush e pajisi. Ai është dëshmitari më i kërkuar tani. Shpresoj të mbetet i gjallë”, shprehet ai.

Vetëm NATO mund t’i mbrojë serbët në Kosovë

Ai thekson se serbët në Kosovë mund të mbrohen vetëm nga NATO.

“Kjo është një shuplakë e madhe për Serbinë. Ju keni humbur pozitat tuaja diplomatike, dhe ajo që po bëhet këtu është vetëm si ta nxjerrim Vuçiqin. EULEX-i i dinte të gjitha këto dhe i kontrollonte, sepse nëse nuk do të kishte, do të kishte shumë më shumë viktima, shqiptarët morën çfarë të bënin nga KFOR-i dhe në këmbim policia e tyre mori legjitimitet”, thotë ai në N1

Ai po ashtu thotë se Vuçiq ka bërë gjithçka për të arritur deri në këtë pikë dhe mendon se është e vështirë të dalësh nga kjo situatë.