Humanisti Lazim Destani nderohet nga komuna e Mitrovicës dhe Skenderajt
Biznismeni dhe filantropi Lazim Destan ka vizituar komunën e Mitrovicës dhe të Skenderajt për të parë nga afër rimekëmbjen e pasojave të vërshimeve që ndodhën javë më parë në këto dy komuna.
Kryetari i Komunës së Mitrovicës, Bedri Hamza, gjatë këtij takim ka falënderuar z. Destani për kontributin e tij të dhënë gjatë vërshimeve në Mitrovicë.
Nga ana tjetër, Lazim Destani ka falënderuar kryetarin Hamza për pritjen e tij, duke treguar gatishmëri të bashkëpunimit për projekte të përbashkëta.
Në fund të takimit, në shenjë falënderimi për kontributin e tij, kryetari z. Hamza, ndau edhe një mirënjohje për Lazim Destanin.
Një mirënjohje të tillë për z. Destani ka ndarë edhe kryetari i Skenderajt, Fadil Nura, i cili ka falënderuar atë për mbështetjen që i ka dhënë Drenicës në në momentet e vështira pas vërshimeve të 19 janarit, duke çelë zemrën dhe ofruar ndihmën e nevojshme për familjet e goditura nga fatkeqësia natyrore!
Biznesmeni shqiptar ka vizituar po ashtu kompleksin memorial ‘Adem Jashari” në Prekaz, ku ka vendosur lule pranë varreve të familjes Jashari.
Lazim Destani kishte aktivizuar një skuadër pune nga kompania e tij Ecolog për të ndërmarrë aksion në mbështetje të popullatës me ndihma në ushqime, artikuj higjienik dhe batanie për familjet e zonave të përmbytura.
