Historike: Shqiptari merr komandën e anijes amerikane USS Pearl Harbor, një prej anijeve më të rëndësishme ushtarake

Alban Dervishi, shqiptari që po ngjitet në radhët e larta të marinës amerikane, ka marrë zyrtarisht komandën e anijes luftarake USS Pearl Harbor, shkruan “Jepi zë”.

Ceremonia e ndërrimit të komandës u mbajt javën e kaluar në San Diego, ku Dervishi mori drejtimin e një prej anijeve më të rëndësishme amfibe të Marinës së Shteteve të Bashkuara.

Lajmin e ka përshëndetur edhe Ambasada e SHBA-ve në Shqipëri, duke e përgëzuar Dervishin për rolin e tij të ri si komandant i USS Pearl Harbor.

Ky është një tjetër moment krenarie për shqiptarët në diasporë, duke dëshmuar suksesin e tyre edhe në strukturat elitare të ushtrisë amerikane.