Hakohet facebooku i Sylë Tahirsylajt, flet vajza e tij: Kushërinjtë kanë deponuar deri në 2000 euro tek persona të panjohur
Meteorologut të njohur në Kosovë, Sylë Tahirsylaj, i është hakuar llogaria në Facebook, këtë e ka bërë të ditur vajza e tij, Donika Tahirsylaj Alidema e cila është specialiste e Psikologjisë Mjekësore.
Nga llogaria e meteorologut po kërkohen para kinse për një hall të madh që i njëjti e ka.
Gazeta Insajderi ka kontaktuar me vajzën e meteorologut e cila tha se janë të shqetësuar me veprimet që po kryhen në emër të babait të saj.
“Rasti tashmë është raportuar edhe në polici, jemi të shqetësuar sepse po kërkohen shuma të mëdha parash, disa kushërinjë kanë deponuar deri në 2000 euro duke menduar se po e ndihmojnë babain”, tha ajo për Insajderin.
Sipas saj, duket se llogaria bankare nga ku po kërkohen para është nga Shqipëria.
Insajderi ka siguruar edhe mesazhet që po shpërndahen nga llogaria e meteorologut:
