Gruaja e gjen të vdekur në oborrin e shtëpisë burrin e saj në Llukac të Istogut

Një ngjarje e rëndë ka ndodhur sot në një familje në fshatin Llukac i Begut në Istog, ku një burrë i moshës 41-vjeçare u gjet pa shenja jete në shtëpinë e tij.

Ky rast i dhimbshëm ndodhi në orët e mëngjesit, kur i ndjeri u gjet i shtrirë në tokë, pa shenja jete, nga bashkëshortja e tij.

Burimet nga Emergjenca kanë bërë me dije për Sinjalin se vdekja e viktimës është konstatuar nga ekipi mjekësor. Sipas informatave të para, i ndjeri ka pasur edhe probleme shëndetësore, por ende nuk dihet shkaktari i vdekjes së tij.

Për rastin, siç mëson Sinjali është vënë në dijeni edhe Prokurori i Shteti, me urdhër të të cilit është iniciuar rasti si “hetim i vdekjes” dhe trupi i pajetë është dërguar në IML për obduksion.