Gjendet i vdekur një burrë në një banesë në Fushë-Kosovë

Një burrë është gjetur pa shenja jete të mërkurën në një banesë në Fushë-Kosovë.

Lajmin e ka konfirmuar edhe Policia, e cila ka njoftuar se informatën e ka pranuar rreth orës 20:00.

“Rreth orës 20:00 kemi pranuar  informatë për një person (mashkull) pa shenja jete, në një banesë  në rrugën ‘Besa Besë’ në Fushë Kosovë”.

“Vdekja e tij është konstatuar nga ekipi i mjekëve emergjent në vendin e ngjarjes. Policia në koordinim me prokurorinë kanë nisur hetimin e rrethanave që karakterizojnë rastin”, ka njoftuar zëdhënësja e Policisë për rajonin e Prishtinës, Flora Ahmeti.