Fluks i madh i bashkatdhetarëve te Dheu i Bardhë
Pika kufitare midis Kosovës dhe Serbisë , Dheu i Bardhë, është e hapur për qarkullim.
Një fluks i madh i bashkatdhetarëve po kalojnë përmes kësaj pike kufitare që ua mundëson hyrjen në territorin e Kosovës.
Të martën mbrëma, në pikën kufitare në Merdarë nga ana e Serbisë u vendosën barrikada duke ua pamundësuar bashkatdhetarëve ardhjen në Kosovë nga kjo pikë.
Megjithatë, ata shfrytëzuan rrugën alternative siç është ajo e pikës kufitare te Dheu i Bardhë, e cila orët e fundit u raportua si më e ngarkuara.
