Familja e 11-vjeçares në gjendje të rëndë pas asaj çka i ndodhi vajzës së tyre (video)

Në qershor të këtij viti Policia e Kosovës mori një informacion për zhdukjen e një 11 vjeçare. Për këtë ngjarje atëbotë ishte njoftuar edhe Prokuroria e shtetit.

Pas hetimeve organet e rendit arritën ta gjejnë vajzën e mitur.

Por përveç që e dërguan në strehimore, dhe që kanë nisur hetimet, nuk pati një njoftim se dikush është arrestuar lidhur me zhdukjen për një kohë të kësaj vajze të vogël.

Sipas burimeve të televizionit T7, deri më tani nuk ka asnjë të ndaluar të dyshuar për zhdukjen e së miturës.

E pas gjashtë muajsh e njëjta – 11 vjeçarja nga Prishtina, u përballë sërish me një akt ç‘njerëzor.

Ekrem Rexhepi bashkë me katër persona tjerë, tre nga ta të mitur dyshohet se dhunuan seksualisht vajzën e vogël.

Të enjten ekipi i T7, ka vizituar familjen e viktimës. Gjendja e anëtarëve të familjes së 11 vjeçare është shumë e rëndë.

Për shkak të situatës së krijuar, babai i vajzës nuk ka pranuar të flas.

As nga Qendra për Punë Sociale, ku është strehuar viktima, nuk kanë treguar asgjë për të.

E rëndësishme është se pesë të dyshuarit për dhunë seksuale janë të arrestuar.