Emocionuese: Familja Çeliku rikthehet pas 26 vitesh në banesën e uzurpuar në Mitrovicën e Veriut
Pas plot 26 vitesh larg shtëpisë së tyre, familja Çeliku nga Mitrovica e Veriut është rikthyer më në fund në banesën që dikur u ishte uzurpuar, shkruan “Jepi zë”.
Lajmin e ka ndarë vetë Shaban Çeliku përmes një postimi emocional në rrjetet sociale, ku ka theksuar rëndësinë e këtij momenti për familjen e tij, duke kujtuar me mall babanë e ndjerë, Nexhat Çeliku.
“Moment emocionues mbas 26 vite me hy prapë në banesën tonë. Nexhat Çelikut – rahmet shpirti i pastë babës tonë”, ka shkruar Çeliku.
Banesa e familjes ishte uzurpuar që nga përfundimi i luftës në Kosovë, ndërsa rikthimi i tyre pas kaq shumë vitesh është përjetuar me lot gëzimi dhe ndjenja të thella mallëngjimi.
