Ekipet e kërkim-shpëtimit të FSK-së nisen për në Pejë

Njësitë e kërkim-shpëtimit të Forcës së Sigurisë së Kosovës tashmë janë nisur për në qytetin e Pejës, aty ku si pasojë e vërshimeve dje, 24 qershor, mbeti i vdekur një fëmijë.

Këtë e ka bërë të ditur ministri i Mbrojtjes, Armend Mehaj, i cili përmes një postimi në rrjetin social Facebook tha se janë në dispozicion me të gjitha kapacitetet për të tejkaluar këtë situatë.

“Njësitë tona të kërkim-shpëtimit tashmë janë nisur për në qytetin e Pejës, do të jenë aty ku ka nevojë për t’iu dalur në ndihmë në këtë gjendje të rëndë. Me të gjitha kapacitetet tona jemi në dispozicion për të tejkaluar këtë situatë”, shkroi ai

(foto ilustrim)