E rëndë: Në ditën e parë të shkollës sulmohet me thikë një nxënës në Prishtinë
Një incident i rëndë raportohet se ka ndodhur pasditen e sotme në Prishtinë, më konkretisht në lagjen “Dardania”, në rrugën “Sadik Zeneli”, ku një person është parë i plagosur i shtrirë në tokë, raporton Gazeta Sinjali.
Dyshohet se një person është therur me thikë dhe viktima është një nxënës i një shkolle.
Sinjalizues kanë dërguar pamje nga vendi i ngjarjes, ku shihet tashmë prezenca e policëve dhe e ambulancës.
Sinjali mëson se ndihmën e parë ai e ka marrë fillimisht nga disa persona që kanë qenë afër ngjarjes, deri në arritjen e ambulancës, teksa ai më pastaj është dërguar në spital.
Sinjali do të iu mbajë të informuar për rastin.
