E dhimbshme: Vdes në moshë të re nxënësi Kushtrim Kadriu

Kërçova u përball sot me një tjetër lajm tragjik. Nxënësi i vitit të dytë Kushtrim Kadriu humb jetën tragjikisht.

Brenda një viti, kjo gjeneratë e shkollës
ka humbur nxënësin e katërt, duke sjellë tronditje të madhe te familjet, shoqëria dhe gjithë komuniteti. Viktima e radhës ishte një nxënës i vitit të dytë, jeta e të cilit u shua papritur, duke lënë pas dhimbje dhe lot.

Lajmi u konfirmua nga kushëriri i tij, Ngadhenjim Sadiku, i cili përmes një postimi shprehu pikëllimin e thellë: “Ai do të mbetet gjithmonë në kujtimet tona, me buzëqeshjen e sinqertë dhe shpirtin e pastër që na gëzonte çdo ditë. Lamtumirë Kuti ynë i vogël, qofsh i parajsës.”