E dhimbshme: Kjo është gruaja që dyshohet se i dha fund jetës te shtëpia e saj në Kamenicë
Një ngjarje e rëndë ka ndodhur të shtunën në shtëpinë e familjes Morina në Kamenicë, ku një grua u gjet pa shenja jete. Vdekja e viktimës u cilësua e dyshimtë dhe tashmë ka nisur hetimi nga Policia në koordinim me Prokurorin e Shtetit, raporton Gazeta Sinjali.
Ky rast ka tronditur familjen e së ndjerës, kur e gjetën të varur në plemen që ndodhet afër shtëpisë së tyre.
Sinjali ka mësuar se gruaja që dyshohet se i dha fund jetës është Xhemile Morina, rreth 51-vjeçare.
Vdekjen e saj e ka konstatuar ekipi mjekësor që doli në vendin e ngjarjes, bashkë me njësitë përkatëse që kanë kryer ekzaminimet e nevojshme.
Me urdhër të prokurorit, trupi i pajetë është tërhequr për t’u dërguar në Institutin e Mjekësisë Ligjore për obduksion.
Lajmi është konfirmuar edhe nga Policia Rajonale në Gjilan.
