Dogana konfiskon mall me vlerë mbi 10 mijë euro
Dogana e Kosovës ka konfiskuar mall me vlerë mbi 10 mijë euro në fshatin Sllatinë të Vitisë.
Në njoftimin e lëshuar nga Dogana, thuhet se gjatë kontrollit të automjetit të një 35-vjeçari nga Vitia, kanë konfiskuar 21 kovë plastike me peshë nga 26 kg të mbushura me mjaltë, ndërsa 31 thasë të mbushur me duhan të përpunuar, pa asnjë dokument mbi prejardhjen e mallit, raporton gazeta online Reporteri.net.
“Njësia e “TASK FORC-ës “-Lindje ( e përberë nga Policia dhe Dogana e Kosovës ) në zbatim të masave për parandalim dhe luftimin e paligjshmërisë dhe kontrabandës, kanë intensifikuar kontrollet taktike dhe operacioneve në zonën kufitare RMV-RKS Me datë 12.09.2024 në brezin kufitar mes fsh.Tanushē RMV dhe fsh.Mjak -RKS është vërejtur një automjet pikap ngjyrē e bardhē me targa vendore duke hyre ilegalisht nga Maqedonia veriore në Kosovë. Gjatë kontrollit ështē vërejtur se kishte pasur të ngarkuar disa thase te bardhë dhe disa kovë të plastikes. Gjate numrimit të mallit është verifikuar se 21 kovë plastike ngjyrë e bardhë me peshë nga 26 kg ishin te mbushura me mjaltè ,ndërsa 31 thasë ngjyrë e bardhë me peshë nga 15 kg. ishin të mbushur me duhan të përpunuar,pa asnjë dokument mbi prejardhjen e mallit. Gjithsej janë 546 kg. mjalte dhe 465 kg.duhan. Vlera e mallit sipas tregut ështē mbi 10.000€,ndërsa shmangie nga taksat doganore janë mbi 18.000 €”, thuhet në njoftimin e Doganës.
Tutje, Dogana ka bërë të ditur se automjeti dhe malli i kontrabanduar është sekuestruar dhe dërguar në terminalin doganor në Ferizaj.
