Dikush e lajmëron shoferin që tejkalonte në magjistralen Mitrovicë – Prishtinë, gjobitet dhe i merret patentë shoferi

Në aplikacionin ,,Lajmëro Policinë’’ është dërguar informatë me foto për një kundërvajtje, njofton Policia. 

Njësia e Trafikut Rajonal të Mitrovicës ka dentifikuar vozitësin, i cili, siç thuhet në njoftim, duke drejtuar automjetin në rrugën nacionale Mitrovicë—Prishtinë zona e fshatit Pestovë, kishte kryer kundërvajtje duke tejkaluar nga ana e djathtë, me ç’ rast ka rrezikuar edhe pjesëmarrësit tjerë në trafik.

Ndaj tij është shqiptuar gjobë në shumë prej njëqindepesëdhjetë (150) euro, një (1) pikë negative, si dhe masa mbrojtëse-konfiskim i përkohshëm i patentë shoferit në kohëzgjatje prej tre (3) muajve.