Digjen katër vetura në Prishtinë

Katër vetura janë përfshirë nga zjarri mbrëmë, në rrugën “1 Tetori” në Prishtinë, për shkaqe ende të panjohura. Incidenti ka ndodhur pas mesnate, kur edhe Policia e njësitet përkatëse dolën në vendin e ngjarjes.

Burimet nga Prokuroria thonë se hetimet kanë nisur, me ç’rast janë intervistuar edhe pronarët e veturave, të cilët kanë dhënë deklaratat e tyre, nëse kanë ndonjë dyshim në lidhje me rastin.

Pasi Policia është vënë në dijeni, janë bërë ekzaminimet e vendit të ngjarjes dhe së shpejti pritet të konstatohet se si ka ardhur deri te zjarri.

Lexo edhe:  Shpërndanin para të falsifikuara në Skenderaj, policia arreston të dyshuarit