Burri në Gjakovë ushtron dhunë ndaj gruas me të cilën bashkëjeton, ajo kërkon ndihmë nga Policia

Dhuna në familje vazhdon të mbetet një nga damkat më të mëdha të shoqërisë kosovare. Çdo ditë në Polici raportohen raste të grave që përjetojnë dhunë në forma të ndryshme nga personat të cilët i kanë zgjedhur të ndajnë jetën me ta, por edhe nga anëtarët tjerë të familjes, raporton Gazeta Sinjali.

Ndihmën e Policisë e ka kërkuar së fundmi edhe një grua nga Gjakova, e cila e ka raportuar burrin me të cilin ka bashkëjetuar që një periudhë.

Burimet nga Prokuroria kanë bërë me dije për Sinjalin se viktima ka deklaruar se i dyshuari ka ushtruar dhunë fizike ndaj saj, duke i shkaktuar lëndime trupore.

Përballë kësaj situate, viktima e ka raportuar rastin para se të ndodhë diçka më e keqe.

Si rezultat i denoncimit, i dyshuari është shoqëruar në stacion policor, ku është përballur me denoncimin kundër tij.

Me t’u përfunduar procedurat policore, me urdhër të Prokurorit të Shtetit, i dyshuari është dërguar në mbajtje dhe ndaj tij kanë nisur hetimet për veprën penale “Dhunë në familje”.

Lexo edhe:  E dhimbshme: Vdes në lule të rinisë kosovari Haki Berisha