“Bon Vivanti” nuk hapet për klientët, pas vrasjes së të premtes
Lokali i njohur e shumë i frekuentuar në kryeqytet “Bon Vivant”, të hënën nuk është hapur për klientët.
Pas përleshjes së të premtes ku mbeti i vrarë një person, siç raporton Ekonomia Online lokali nuk ka pranuar mysafirë.
Përderisa është raportuar se mbrëmë ka pasur të shtëna me armë zjarri në afërsi të Klinikës ku po trajtohet Andi Pajaziti “italiani”, i dyshuari për përfshirjen në incidentin në lokalin “Bon Vivant”, të premten mbrëma, ku u vra një person dhe u plagosën 17 të tjerë.
Drejtori i Klinikës së Ortopedisë, Gani Jashanica tha sot se ka marrë informacione jo zyrtare se ka pasur të shtëna e shtim të forcave policore, por që në Klinikë nuk ka ndodhur asgjë.
Të dielën, Gjykata Themelore e Prishtinës, ua ka caktuar nga një muaj paraburgim tre të dyshuarve që ishin të përfshirë në incident.
Njëri nga të dyshuarit Dukagjin Nikolla, i cili është në kërkim edhe nga FBI, është ende në arrati. Nga përplasja në “Bon Vivant” një person ka mbetur i vdekur dhe 17 të tjerë janë lënduar.
