Bien për toke çmimet e naftës në disa vende në Kosovë ka rënë 1,29 cent

Edhe gjatë ditës së sotme janë regjistruar rënie të çmimeve të derivateve të naftës në tregun kosovar.

Madje çmimi i sotëm në treg është më i ulëti prej që ka nisur lufta në Ukrainë.

Në një nga pikat e karburanteve në Ferizaj, sot një litër Diesel kushton 1.29 euro, Benzina 1.19 dhe Gasi 0.71.

Kryetari i shoqatës së naftëtarëve të Kosovës, Fadil Berjani ka konfirmuar rënien e çmimeve duke thënë se trendi vazhdon të jetë gjithnjë në rënie.

Madje ai i ka bërë thirrje kryeministrit Albin Kurti që të merr masa ndaj bizneseve pasi që ato kanë rritur çmimin e produkteve ushqimore në emër të çmimit të lartë të naftës dhe tani kur ka ulje të çmimit të naftës duhet të ketë ulje të çmimeve edhe nëpër markete.

“U rrit nafta, u rriten çmimet. Muajin e fundit kemi rënie për 25% të çmimit të naftës por kjo nuk po vërehet edhe nëpër supermarkete të cilat vazhdojnë ti mbajnë çmimet e larta”, ka thënë Berjani.