Autoriteti i Sigurisë Kibernetike në Shqipëri, prindërve: Mos postoni fëmijët në rrjete sociale

February 6, 2024 02 Press

Autoriteti Kombëtar i Sigurisë Kibernetike në një deklaratë, u ka bërë thirrje prindërve të mos postojnë foto ose video të fëmijëve të tyre në rrjete sociale.

Kjo pasi këto foto mund të përdoren për qëllime të këqija, si shantazhe apo bullizim.

“Mos publikoni foto, video të fëmijëve në rrjete sociale. Pas internetit ka njerëz të këqinj të cilët i përdorin imazhet e fëmijëve për qëllime të këqija, shantazhe, pedofili, bullizëm etj. Gjatë vitit të kaluar ka pasur 80 denoncime për fëmijë që kanë rënë pre e këtyre rreziqeve”, tha Igli Tafa, koordinator Kombëtar për sigurinë kibernetike.

Por ky numër është shumë më i madh. Kërkohet ndërgjegjësim i prindërve dhe mësuesve për të denoncuar.

Lexo edhe: U gjet në gjendje të rëndë në tualet, ky është personi që vdiq në Fushë Kosovë – punonte në “Migros”