Aksident i frikshëm, në mes të Prishtinës rrotullohet një veturë – ka të lënduar

Një person ka pësuar lëndime trupore, pasi i njëjti është vetaksidentuar me automjetin e tij “pikap”.

Aksidenti ka ndodhur në rrugën “Hamdi Gashi”, rreth orës 18:40.

Rastin për Indeksonline e ka konfirmuar edhe zëdhënësja e Policisë për Rajonin e Prishtinës, Flora Ahmeti.

“Sot rreth orës 18:40, në rrugën “Hamdi Gashi” në Prishtinë, ka ndodhur një aksident trafiku, ku është përfshirë një veturë.

Si pasojë e aksidentit një person ka pësuar lëndime trupore dhe i njëjti është dërguar për trajtimin e nevojshëm mjekësor. Policia ka nisur një hetim për zbardhjen e shkaqeve të këtij vetaksidenti” ka deklaruar Ahmeti.