Rast tragjik në Shtime: 11-vjeçarja bie aksidentalisht nga kati i katërt i shtëpisë, nuk u mbijeton plagëve

Një rast tragjik ka ndodhur sot në Shtime, ku një vajzë 11-vjeçare ka humbur jetën pasi ka rënë aksidentalisht nga kati i katërt i shtëpisë.

Burimet e Sinjalit nga Emergjenca kanë bërë të ditur behet fjalë për një vajzë, e cila nuk arriti t’u bëjë balle plagëve dhe vdiq.

Sinjali mëson se vdekjen e fëmijës e ka konstatuar ekipi i mjekëve që ka dalë në vendin e ngjarjes.

Rastin e kanë konfirmuar për Sinjalin edhe nga Drejtoria rajonale e Policisë në Ferizaj.

Ajo që dihet deri më tani është se me urdhër të Prokurorit të Shtetit kane nisur hetimet për t’u zbardhur rrethanat në të cilat ka ndodhur ngjarja.