Ky është personi që u gjet pa shenja jete në banesën e tij në Fushë Kosovë

Një ngjarje e rëndë ka ndodhur mëngjesin e sotëm në një banesë në rrugën “Dardania” në Fushë Kosovë, ku një person është gjetur pa shenja jete, raporton Gazeta Sinjali.

Sinjali mëson se viktima është Besim Konjusha (56-vjeçar), vdekjen e të cilit e ka konfirmuar ekipi mjekësor në vendin e ngjarjes.

Lajmin e ka konfirmuar edhe zëdhënësi i Policisë për Rajonin e Prishtinës, Agron Borovci.

“Sot rreth orës 10:30, policia ka pranuar informatën për një person pa shenja jete në banesën e tij rrugën “Dardania” në Fushë Koaovë. Menjëherë pas marrjes së informatës policia kanë dalë në vendin e ngjarjes ku ka ftuar edhe mjekët emergjent, me ç’rast është konfirmuar se viktima, mashkull 56 vjeç është pa shenja jete. Aktualisht policia me kujdes të shtuar po trajton të gjitha rrethanat që karakterizojnë ngjarjen“.