Po të shpërthente mjeti në veturën e zyrtarit serb në veri, pasojat do të ishin të rënda

Zëvëndësdrejtori i Policisë së Kosovës për Rajonin e Mitrovicës së Veriut, Veton Elshani, ka folur lidhur me tentim-sulmin, përmes vendosjes së një mjeti shpërthyes në veturën e një punonjësi serb të institucioneve të Kosovës.

Elshani ka thënë se në rast të shpërthimit të këtij mjeti, pasoja do të ishin shumë të rënda.

Ai ka njoftuar se ekspertët e fushës, akoma nuk kanë dalur me një raport të detajuar lidhur me dëmet e mundshme.

“Sipas dyshimeve të para, ne konsiderojmë që dëmet do të ishin shumë të mëdha, po pasojat saktë nuk mund t’i dimë pasi akoma nuk kemi marrë ndonjë raport të detajuar nga ekspertët e kësaj fushe. Por nëse do të kishte shpërthyer me siguri pasojat do të ishin shumë të rënda”, u shpreh ai në Tëvë 1.

Ndërsa, zëvëndësdrejtori ka thënë se hetimet po vazhdojnë dhe tash me rastin është duke u marrë Drejtoria e Krimeve të Rënda.

“Mbrëmë ka ndodhë një rast kur rreth orës 11:00 një qytetar, shtetas i Kosovës i përkatësisë etnike serbe ka ardhur në stacion të policisë dhe ka lajmëruar një rast, një mjet i dyshimt që i është vendosur në automjetin e tij. Ne kemi shkuar e kemi verifikuar dhe kemi parë që është një mjet që dyshohet si ekspodues. I kemi thirr njesit e specializuara lidhur me këtë rast. Është larguar ai mjet i dyshimit nga automjeti dhe tani jemi duke e heturar rastin. Deri tani nuk mund të themi dicka sepse hetimet janë duke u zhvilluar nga Drejtoria e Krimeve të Rënda”, shtoi Elshani.

Ndryshe, kjo ngjarje ku një punonjësi të nacionaliteti serb në institucionet e Kosovës, i është vënë një mjet shpërthyes në veturën e tij pranë shtëpisë ka ndodhur në fshatin Tvergjan të Leposaviqit të martën.

Pronari i veturës sipas Policisë së Kosovës është punonjësit në njërin nga institucionet e Kosovës.

Reagim ka pasur nga ministri i Punëve të Brendshëme të Kosovës, Xhelal Sveçla i cili ka akuzuar Serbinë për këto veprime.