Shokët ia çojnë në vend amanetin e fundit humanistit që u aksidentua për vdekje në Vushtrri

Mentor Merovci, humanisti nga Vushtrria, i cili vdiq si pasojë e një aksidenti të ndodhur mbrëmjen e së hënës, para se të vdiste kishte kërkuar të bëhej një vepër humane në muajin e madhërishëm të Ramazanit.

Kështu që pak para se të ndërronte jetë Merovci, kishte shkruar një status në “Facebook” ku kërkonte që të shpërndahen hurme dhe ujë për personat që koha e iftarit i gjen në kolona.

Ndërsa sot shokët e tij janë mobilizuar për të ia përmbushur atij amanetin.

Ata kanë shpërndarë hurme dhe ujë në komunikacion.

Sipas njoftimit të Policisë, tre të tjerë si pasojë e aksidentit ishin të lënduar rëndë.

Në mesin e të lënduarve nga aksidenti është edhe djali 20-vjeçar i Mentor Merovcit.