Këta janë babë e bir që humbën jetën nga shpërthimi në Lushnjë

Një shpërthim i fortë në një magazinë në Lushnje ka lënë të vdekur mbrëmë babë e bir, ndërsa të lënduar kanë mbetur dhjetëra persona.

Sipas raportimeve nga mediat në Shqipëri bëhet fjalë për Roland dhe Elidon Hoxhën, babë e bir që mbetur të vdekur si pasojë e shpërthimit të fuqishëm mbrëmë.

Policia e Lushnjës njoftoi se “rreth orës 16:05 në vendin e quajtur “Rrethrrotullimi i Plasmasit” në Lushnjë, në një kapanon në ndërtim dyshohet se gjatë punës, një vinçier duke drejtuar një vinç, aksidentalisht ka prekur linjën e tensionit të lartë dhe për rrjedhojë ka ndodhur një shpërthim i fuqishëm.