I vrari dhe i arratisuri për grabitjen në Suharekë janë djemtë e ish-komandantit të UÇK-së

Policia e Kosovës ka konfirmuar se në aksionin e sotëm është vrarë njëri prej të dyshuarve për grabitjen e armatosur në një argjendari në Suharekë. I vrarë ka mbetur Dukagjin Gashi ndërsa vëllai i tij Korab Gashi ka arritur të largohet.

Dukagjin dhe Korabi siç ka mësuar Insajderi janë djemtë të ish-komandantit të UÇK-së, Zeqir Gashi.

Ndërkohë, policia ka njoftuar se janë arrestuar edhe katër persona të tjerë të dyshuar për grabitjen, ndërsa një tjetër gjende ende në kërkim policor.

Tutje, policia konfirmoi se një zyrtar policor është plagosur dhe është jashtë rrezikut për jetë.

“Gjatë zhvillimit të operacionit policor, një i dyshuar ka shtënë me armë zjarri në drejtim të zyrtarëve policorë duke ua rrezikuar drejtpërdrejt jetën e tyre, me ç’rast është plagosur një zyrtar policor”.

E konfirmon policia: Njëri nga grabitësit është vrarë dhe një polic ka mbetur i plagosur

“Zyrtarët policorë në vetëmbrojtje janë detyruar të përdorin forcën proporcionale, duke arritur të neutralizojnë një të dyshuar, përderisa katër të dyshuar të tjerë janë arrestuar. Deri më tani numri i të arrestuarve ka shkuar në shtatë persona, një i neutralizuar dhe një tjetër ende gjendet në kërkim policor”, ka njoftuar policia.

Ky është grabitësi që mbeti i vrarë nga Policia e Kosovës

Po ashtu, policia tha se personat e dyshuar kanë të kaluar kriminale me dyshimet e bazuara për përfshirje në vepra penale si: vrasje, grabitje, vjedhje e rëndë, sulm, kanosje, lëndim trupor, detyrim, armëmbajtje pa leje etj