Dua Lipa mund të bëhet miliardere, pasi babai mori në kontroll menaxhimin e saj dhe shkëputi kontratën me ish-kompaninë menaxhuese

Dua Lipa thuhet se do të bëhet ylli më i pasur britanik i muzikës pop, pasi këngëtarja ndërpreu kontratën e saj me ish-kompaninë e saj menaxhuese.

Interpretuesja e hitit “No Lie” nuk është thjesht një mjeshtër i melodive të muzikës pop, jashtë skenës 28-vjeçarja ka blerë të drejtat për katalogun e saj të publikimit dhe ka bërë një lëvizje të re biznesi.

Ylli ka vendosur të fillojë të punojë me babanë e saj biznesmen, Dukagjin Lipa, i njohur si Dugi, dhe mund të jetë në rrugën e duhur për t’u ‘bërë miliardere’, shkruan DailyMail.

Dyshja kanë krijuar një kompani, të quajtur ‘Radical 22 Publishing Limited’, për të ndihmuar në menaxhimin e të gjitha aseteve të saj komerciale vetëm disa ditë pasi ajo njoftoi se kishte ndërprerë të gjitha lidhjet me ish-kompaninë e saj të menaxhimit TaP Music.

Një burim i tha tabloidit britanik The Sun: “Dua dëshiron të rimarrë kontrollin e karrierës së saj dhe Dugi është shumë praktik”.

“Ai ndjeu sikur ajo po jepte një përqindje shumë të lartë të të ardhurave të saj dhe pasi u bë menaxheri i saj, ai ndjeu se hapi tjetër logjik ishte të hynte si një partner zyrtar biznesi”, tha burimi.

Ndërsa disa në industri po e krahasojnë marrëdhënien e saj dhe të babait të saj me atë midis Taylor Swift dhe Scooter Braun, burimi siguroi se megjithëse i vendosur, Dugi do t’i japë përparësi interesave më të mira të vajzës së tij.

Duke diskutuar strategjinë e re të Duas për t’u siguruar që ajo të zotërojë të drejtat e këngëve të saj, burimi shpjegoi: “Në thelb, ky veprim ka gjithashtu jehonë të Taylor Swift – një yll i madh femër pop që rishkruan narrativën dhe fiton para sipas kushteve të saj”.

“Deri në moshën 40-vjeçare, Dua mund të jetë miliardere”, tha ajo.