Gruaja shkon për ankesë në Policinë e Prishtinës, e dehur sulmon tre policë

Një grua që shkoi në polici për t’u ankuar për një ngjarje që i ndodhi, e bëri lëmsh krejt stacionin. Kjo meqë në gjendje të dehur ajo sulmoi tre zyrtarë policorë, pak para mesnate, të enjten.

Ngjarja u zhvillua në stacionin policor “Veriu” në lagjen Arbëria në Prishtinë, ku e dyshuara fillimisht sulmoi e ofendoi rëndë një zyrtare policore që po e intervistonte e më pas të njëjtën gjë ua bëri edhe me dy kolegëve të saj.

Njërin nga ta e goditi me derë të zyrës, e tjetrin me duar. Me këtë e njëjta dyshohet se u ka shkaktuar lëndime trupore dhe për këtë kanë marrë tretman mjekësor, njofton Klan Kosova.

Ajo po mbahet në ndalim sepse ndaj saj rëndon vepra e sulmit ndaj personit zyrtar.