I dyshuari për therjen me thikë në Mitrovicë, ndodhet në arrati

Sot një incident ka ndodhur në qendër të qytetit të Mitrovicës, ku një person u therr me thikë dhe për pasojë mori lëndime trupore me ç’rast u dërgua në spital.

Gjersa i dyshuari ende nuk është kapur, policia deri tani nuk e di motivin e kësaj ngjarjeje.

“I dyshuari është identifikuar nga policia dhe ndodhet në arrati, derisa pjesëtarët e policisë janë duke punuar intensivisht në kapjen sa më parë të autorit. Ende nuk kemi arritur të kuptojmë motivin e këtij incidenti. Nuk kemi arritur të marrim akoma deklaratë nga viktima meqë ai pasi është trajtuar në spital është liruar. Mësohet se ai ndodhet jashtë rrezikut për jetë”, ka thënë Ilmi Prekazi, zëdhënës i policisë në Mitrovicë.