Moti për nesër dhe pasnesër, këto do të jenë temperaturat

Instituti Hidrometeorologjik i Kosovës ka njoftuar se të mërkurën dhe të enjten do të ketë mot të qëndrueshëm dhe stabil.

Sipas IHMK-së, nga orët e vona të së premtes dhe gjatë vikendit, parashihen reshje të intensitetit të dobët.

“Të mërkurën dhe të enjten, vendi ynë do të ndikohet nga masat e qëndrueshme të ajrit, të cilat do të kushtëzojnë mot të qëndrueshëm dhe stabil.

Në relievin malor do të ketë kushte për vranësira të stadit të ulët dhe të mesëm të Troposferës.

Sa i përket fushave termike, ato do të shënojnë rritjes, sidomos në vlerat e maksimaleve, duke bërë kështu që merkuri në termometër në hije të arrijë vlera 30-35 gradë Celsius.

Do të fryjë erë nga drejtimi i perëndimit dhe veriperëndimit e lehtë deri mesatare. Nga orët e vona të natës së premte dhe gjatë vikendit, parashihen reshje të intensitetit të dobët deri mesatar”, thuhet në njoftim.