Zbardhen detaje të reja: Mitrovicasja u vra nga burri në parkigun e një shitore , la 3 fëmijë pas vetes

May 23, 2023 02 Press

Një ngjarje e rëndë ka ndodhur të shtunën në Aachen të Gjermanisë, ku një burrë, për motive të panjohura vrau gruan e tij në parkingun e një shitore, raporton media gjermane “Bild”.

Dorasi dhe viktima janë kosovarë nga qyteti i Mitrovicës, teksa është bërë e ditur se viktima është Jetmira Beka.

Ajo ka lënë tre fëmijë prapa vetes.

Kryeprokurorja e Aachenit, Katja Schleknermann-Pitts bëri të ditur të hënën për “Bild”, se bëhej fjalë për një çift që ishin ndarë.

Ajo ka thënë se nuk dihen ende motivet e vrasjes.

Krimi ndodhi rreth orës 19:00 të së shtunës në mbrëmje, në sy të klientëve.

Familjarët e viktimës, kanë njoftuar se varrimi i të ndjerës do të bëhet në fshatin Zasellë, ndërsa pritet që të njoftojnë për datën dhe kohën e varrimit.