Ky është roja që mbeti i vrarë në Beograd, u përpoq ta pengonte 14-vjeçarin të hynte në shkollë
Mëngjesin e sotëm kryeqyteti serb u trondit nga të shtënat në një shkollë fillore, ku një nxënës 14-vjeçar ka hyrë në një klasë në orën e historisë dhe ka qëlluar pa ndalë, duke lënë të vdekur tetë nxënës dhe rojën e shkollës.
Shtatë nxënës kanë mbetur të plagosur dhe po trajtohen në spital.
Mediat serbe raportojnë se roja i vrarë është Dragan Vlahoviq, i cili fillimisht ishte përpjekur ta ndalojë të dyshuarin të hynte në shkollë.
Dragan Vlahoviq
Nga të shtënat janë plagosur gjashtë fëmijë dhe një mësuese e historisë, të cilët aktualisht po trajtohen në Qendrën Emergjente në Tirsova.
Kujtojmë se nxënësi i kësaj shkolle që dyshohet se ka kryer këtë krim është gjetur dhe arrestuar në oborrin e shkollës.
Të gjitha forcat e policisë janë ende në terren dhe po punojnë intensivisht për zbardhjen e të gjitha fakteve dhe rrethanave që çuan në këtë tragjedi.
