Arrestohet 20-vjeçari në Prizren, dyshohet se e shkaktoi një zjarr ditë më parë

Një person në Prizren është arrestuar dje, si i dyshuar për shkaktimin e një zjarri më 30 mars në një lokal në rrugën “William Walker”.

Në njoftimin e Policisë së Kosovës thuhet se nga zjarri është djegur një pjesë e një lokali afarist  (dyqan lulesh),  vlera e demit sillet rreth 5,000 euro, sipas ankuesit.

“Policia ka arritur të siguroj prova dhe dëshmi e në mes e tyre edhe  një video incizim ku shihet një i dyshuar mashkull i paidentifikuar, prej nga shihet se me qellim i ve flaken lokalit në fjale dhe largohet me vrap nga vendi i ngjarjes”.

“Lidhur me rastin përmes policit hetues është njoftuar Prokurori i shtetit i cili udhëzon që të hapet  rast për “Zjarr vënie”. Që nga incidenti Policia, konkretisht hetuesit e Stacionit Policor të Prizrenit kanë punuar në identifikimin e të dyshuarit.  Me date 03.04.2023 rreth orës 14:00 pas një pune të suksesshme  hetimore është identifikuar dhe është i dyshuari  i rastit “Zjarr vënie”  (A.K. 20 vjeç ) dhe me aktvendim të prokurorit i njëjti ndalet  në ndalim policor për 48 ore”, thuhet në njoftim.