Ndodhë edhe një mrekulli: Pas 8 dite nxirren të gjallë nga rrënojat e tërmetit dy vëllezër në Turqi

Dy vëllezër u nxorën nga rrënojat në rajonin Dulkadiroğlu në qytetin Kahramanmaraş, 198 orë pas tërmeteve në Turqi raporton Anadolu.

Punimet e kërkim-shpëtimit pas tërmeteve me qendër në qytetin Kahramanmaraş vazhdojnë në ditën e 9-të.

Shumë ekipe të kërkim-shpëtimit kryejnë punime në rrënojat në pallatin e shembur Pınar në bulevardin “Salman Zülkadiroğlu” në lagjen Sütçü İmam në rajonin qendror Dulkadiroğlu në Kahramanmaraş.

Ekipet arritën të shpëtojnë 198 orë pas tërmetit dy vëllezër, prej të cilëve Muhammed Enes Yeninar 17-vjeç dhe vëllai i tij i madh Baki Yeninar 21-vjeç.

Vëllezërit të cilët u nxorën të plagosur u dërguan me ambulancë në spital.